ಮೊನ್ನೆ ಏಷಿಯಾನೆಟ್ ನ್ಯೂಸ್ ಚಾನೆಲ್ಲಿನಲ್ಲಿ "ಈ ಊರು" ಕಾರ್ಯಕ್ರಮ ನೋಡುತ್ತಿದ್ದೆ.
ಮನೆ ಮಂದಿಗೆಲ್ಲಾ ಖುಷಿಯಾಗಿತ್ತು.ಇದು ನಿಜವಾಗಲೂ ಮಹತ್ವದ ಕಾರ್ಯಕ್ರಮ ಅಂತ ಅನಿಸಿತು.ಇಂದು ನಗರ ಕೇಂದ್ರೀಕೃತ ಸುದ್ದಿಗಳೇ ಹೆಚ್ಚು ರಾರಾಜಿಸುತ್ತಿರುವಾಗ ಈ ಚಾನೆಲ್ ಹಳ್ಳಿಗರತ್ತಲೂ ,ಅಲ್ಲಿನ ಸೊಬಗಿಗೂ ಮಹತ್ವ ನೀಡಿ ನಗರದ ಮಂದಿಗೂ ತೋರಿಸುತ್ತಲ್ಲಾ ಅದು ಹಳ್ಳಿಗರಿಗೆ ಖುಷಿಕೊಡುವ ಸಂಗತಿ. ನನಗೆ ಆ ಕಾರಣಕ್ಕಾಗಿ ಏಷಿಯಾನೆಟ್ ಚಾನೆಲ್ ಮೆಚ್ಚುಗೆಯಾಗಿತ್ತು.
ಇಂದು ಗ್ಲಾಮರ್ ಜಗತ್ತು ಹೆಚ್ಚು ಜನಪ್ರಿಯವಾಗುತ್ತಿದೆ.ಹಾಗಾಗಿ ಚಾನೆಲ್ ಗಳು ಕೂಡಾ ಹಳ್ಳಿಯ ಸೊಬಗನ್ನು ಅತ್ಯಂತ ಚೆನ್ನಾಗಿ ಚಿತ್ರೀಕರಿಸಿ ಬಿತ್ತರಿಸುವ ವೇಳೆ ನಗರದ ಮಂದಿಗೆ ಅದನ್ನು ನೋಡಿ ಅಸೂಯೆಯಾದದ್ದೂ ಇದೆಯಂತೆ.ಹಾಗೆಂದು ನನ್ನ ಮಿತ್ರನೊಬ್ಬ ಪದೇ ಪದೇ ಹೇಳುತ್ತಾನೆ.ಏಕೆ ಗೊತ್ತಾ ಅಂತಹ ಸೊಬಗು ನಗರದಲ್ಲಿ ಕಾಣುತ್ತಿಲ್ಲವಲ್ಲಾ? ಅಲ್ಲೇನಿದ್ದರೂ ವಾಹನಗಳ ಸದ್ದು ... ಟ್ರಾಫಿಕ್ಕು...
ಇಂದು ಪತ್ರಿಕೆಗಳಂತೆ ಅನೇಕ ಕನ್ನಡ ಚಾನೆಲ್ಲುಗಳು ರಾಜ್ಯದಲ್ಲಿ ಬೆಳೆಯುತ್ತಿವೆ.ಅವುಗಳಲ್ಲಿ ಕೆಲವು ಮಾತ್ರಾ ಹಳ್ಳಿಯ ಸಮಸ್ಯೆಗಳನ್ನು,ಅಲ್ಲಿನ ಸೊಬಗನ್ನು ಜಗತ್ತಿಗೆ ತಿಳಿಸುವ ಕೆಲಸ ಮಾಡುತ್ತಿವೆ. ಹಾಗಾಗಿ ಅಂತಹ ಚಾನೆಲ್ಲುಗಳು ಇನ್ನೂ ಹೆಚ್ಚಲಿ ಅವುಗಳೂ ಬೆಳೆಯಲಿ.
ಇದು ಹಳ್ಳಿಗರ ಹಾರೈಕೆಯೂ ಹೌದು. ಅಂತಹ ಚಾನೆಲ್ಲನ್ನು ಹಳ್ಳಿಯಲ್ಲೂ ಹೆಚ್ಚಾಗಿ ನೋಡುತ್ತಾರೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ