ನೀನು ಎಲ್ಲಿದ್ದರೂ ನಂಜೊತೆ .. .!! ನೀನೇನಿದ್ದರೂ ನನ್ನವನೇ . . . !! ಎಂಬ ಡೈಲಾಗ್ ಹೊಡೆಯಲು ಈಗ ಅಡ್ಡಿಯಿಲ್ಲ.ಯಾಕ್ ಗೊತ್ತಾ ನಮ್ಮ ತಂತ್ರಜ್ಞಾನ ಅಷ್ಟೊಂದು ಬೆಳೆದು ಬಿಟ್ಟಿದೆ. ಅದು ಸಾಧ್ಯವಾಗಿದ್ದು ಮೊಬೈಲ್‌ನಿಂದ .
ಕೈಯಲ್ಲೊಂದು ಮೊಬೈಲ್ ಕಾಲ ಈಗ ಹೋಗಿದೆ.. ಈಗೇನಿದ್ದರೂ ಒಂದೇ ಕೈಯಲ್ಲಿ ಎರಡೆರಡು ಮೊಬೈಲ್. ಈಗಂತೂ 3 ಜಿ ಟೆಕ್ನಾಲಜಿ ಬಂದಿದೆ. ನಿಮ್ಮ ಮುಖ ಅಲ್ಲೂ ಕಾಣಬಹುದು . . . ಇಲ್ಲೂ ಕಾಣಬಹುದು. ಆದ್ರೆ ಅದಕ್ಕಿಂತ ದೊಡ್ಡದಾದ ಅಪಾಯ ಇನ್ನೊಂದಿದೆ.
ಮೊನ್ನೆ ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದಾಗ ಹಾಗೇ ನೆಮ್ಮದಿಯಿಂದ ಕುಳಿತು ಆಲೋಚಿಸುತ್ತಿದ್ದಾಗ ನನ್ನ ಪಕ್ಕದ ಸೀಟ್‌ನಲ್ಲಿ ಕುಳಿತಿದ್ದವರ ಸಂಭಾಷಣೆ ಚಿಂತನೆಗೆ ಹಚ್ಚಿತು. . .
ಮೊಬೈಲ್ ಬಂದ ಮೇಲಂತೂ ಸಂಪರ್ಕ ಸುಲಭವಾಗಿದೆ.ಎಲ್ಲಿದ್ದರೂ ಹತ್ತಿರವಾಗಿ ಬಿಡುತ್ತೇವೆ.ಒಂದಷ್ಟು ಮಿತ್ರರೂ ಹೆಚ್ಚಾಗಿದ್ದಾರೆ.ಒಂಟಿಯಾಗಲು ಮೊಬೈಲು ಬಿಡುವುದಿಲ್ಲ... ಆದ್ರೆ ಅದಕ್ಕಿಂತಲೂ ಹೆಚ್ಚಾಗಿ ಕ್ಯಾಮಾರ ಇರುವ ಮೊಬೈಲ್ ಬಂದ ಮೇಲೆ ನೆಮ್ಮದಿಯಂತೂ ಇಲ್ವೇ ಇಲ್ಲ. ಆ ಕ್ಯಾಮಾರ, ಅದೇನೇ ಫಂಕ್ಚನ್ ಇರಲಿ ಅಲ್ಲಿ ಮೊಬೈಲ್ ರೆಕಾರ್ಡಿಂಗ್.. ಅದ್ಯಾವುದೇ ಚಿತ್ರ ಇರಲಿ ಕೂಡಲೇ ಫೋಟೋ ಸ್ನಾಪ್ . . ಬೇಕೆಂದರಲ್ಲಿ ಫೋಟೋ . . . ವಿಡಿಯೋ ರೆಕಾರ್ಡ್ ಆಗಿ ಬಿಡುತ್ತದೆ.ಅದೊಂದು ರೀತಿಯಲ್ಲಿ ಮಾಹಿತಿದಾರ. . . ದಾಖಲೆಕಾರನೂ ಆಗಿ ಬಿಡುತ್ತದೆ. ಆದ್ರೆ ಅದಕ್ಕಿಂತಲೂ ಹೆಚ್ಚು ಅಪಾಯವೇ ಜಾಸ್ತಿ.ಬಸ್ಸಿನಲ್ಲಿ ಅದ್ಯಾವುದೋ ಸುಂದರಿ ಒಂದು ಸೀಟಲ್ಲಿ ಕುಳಿತುಕೊಂಡಿದ್ದಳು.ಪಕ್ಕದ ಸೀಟಲ್ಲಿ ಕುಳಿತ ಪಡ್ಡೆ ಹುಡುಗ ಹೇಗಾದರೂ ಮಾಡಿ ಅವಳ ಚಿತ್ರ ತೆಗೆಯಲು ಹವಣಿಸುತ್ತಿದ್ದ.ಮೊಬೈಲಲ್ಲಿ ಅವಳ ಮುಖ ಬರುವಂತೆ ಪ್ರಯತ್ನಿಸುತ್ತಿದ್ದ.ಕೊನೆಗೂ ಕ್ಲಿಕ್ಕಿಸಿದ.. ಗೆಳೆಯನೊಂದಿಗೆ ಹಲ್ಲು ಕಿರಿದ . . . . .
* * * * * * * * * * * * * * * * * * * * * *
ಹಾಗೆ ಚಿತ್ರಿಸಿದ ಮಾತ್ರಕ್ಕೆ ಮುಗಿದಿಲ್ಲ.ಆ ಫೋಟೋವನ್ನ ಎಡಿಟ್ ಮಾಡಿ ಇನ್ಯಾವುದೋ ಸಿನಿಮಾಕ್ಕೆ ಜೋಡಿಸಿ ಮಜಾ ಮಾಡುತ್ತಾರೆ.ಮೊಬೈಲ್‌ನಿಂದ ಮೊಬೈಲ್‌ಗೆ ಹರಿದಾಡುತ್ತದೆ.ಕೊನೆಗೊಮ್ಮೆ ರಾದ್ದಾಂತವಾಗುತ್ತದೆ. ನಿಜಕ್ಕೂ ಆ ಹುಡುಗಿ ಬಲಿಪಶು. . . .!! ಇದಕ್ಕೆ ಕಾರಣವಾದ್ದು ಈ ಕ್ಯಾಮಾರಾ ಇರುವ ಮೊಬೈಲ್. .
* * * * * * * * * * * * * * * * * * * * * *
ಈಗಂತೂ ದೇಶದ ಭದ್ರತೆ , ದೇವಸ್ಥಾನದ ಗರ್ಭಗುಡಿಯ ಚಿತ್ರ ತೆಗೀಬಾರದು ಅಂತೆಲ್ಲಾ ಹೇಳಿಯೂ ಪ್ರಯೋಜನವಿಲ್ಲ.ಒಮ್ಮೆ ಸದ್ದಿಲ್ಲದೆ ಕ್ಲಿಕ್ಕಿಸಿದರೂ ಸಾಕು.ಅಥವಾ ಹಾಗೇ ಸುಮ್ಮನೆ ರೆಕಾರ್ಡ್ ಒತ್ತಿ ಸುಮ್ಮನೆ ಸುತ್ತಿದರೂ ಸಾಕು.ಬೇಕಾದಷ್ಟು ಚಿತ್ರಗಳು ಸಿಕ್ಕಿ ಬಿಡುತ್ತದೆ.ಉಗ್ರಗಾಮಿಗಳಿಗೂ ತೊಂದರೆ ಇಲ್ಲ .. ಚಿತ್ರ ಕಳ್ಳರಿಗೂ ತೊಂದರೆ ಇಲ್ಲ . . . ವಿಕೃತಕಾಮಿಗಳಿಗೂ ತೊಂದರೆ ಇಲ್ಲ . . ಇದು ಮೊಬೈಲ್ ಮಾಯೆ. . . !!
ಹಾಗಾಗಿ ಇಂತಹ ಕ್ಯಾಮಾರಾ ಮೊಬೈಲ್‌ಗಳ ಬಗ್ಗೆ ಚರ್ಚೆಯಾಗಬೇಡ್ವೇ , . .? ಬ್ಯಾನ್ ಆಗಬೇಡ್ವೇ . .? ಈ ಬಗ್ಗೆ ಯಾಕೆ ಯಾರೂ ಮಾತಾಡ್ತಿಲ್ಲ..?. ಅರ್ಥನೇ ಆಗ್ತಿಲ್ಲ .. . . .
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ