ಒಂದು ವರ್ಷದ ಪಯಣ..

ಜನವರಿ 14. . .

ಇಂದಿಗೆ ನಾನು ಬ್ಲಾಗ್ ಲೋಕದಲ್ಲಿ ವಿಹರಿಸುತ್ತಿರುವುದು ಒಂದು ವರ್ಷವಾಗುತ್ತದೆ.

ಈ ಒಂದು ವರ್ಷದಲ್ಲಿ ನಾನು ಬ್ಲಾಗ್ ಪಯಣದಲ್ಲಿ ಅನೇಕ ಸಂಗತಿಗಳನ್ನು ಪಡೆದಿದ್ದೇನೆ.ನನ್ನ ಮನಸ್ಸಿನ ಒಂದಿಷ್ಟು ವಿಚಾರಗಳನ್ನು ಇಲ್ಲಿ ದಾಖಲಿಸಿರಿಸಿದ್ದೇನೆ.ಮುಂದೆಂದಾದರೂ ಇದು ಉಪಯೋಗಕ್ಕೆ ಬರಬಹುದು ಅಂತ ನಂಬಿದ್ದೇನೆ. ನನಗೆ ಈ ಲೋಕದಲಿ ವಿಹರಿಸುವಾಗ ಬೆಂಬಲಿಸಿದವರು , ಬ್ಲಾಗ್ ಓದಿ "ಏ ಅದು ಹೀಗಲ್ಲಾ ಮಹೇಶ್ , "ಅದು ತಪ್ಪು..", ನಿನ್ನ ಬರಹ ಚೆನ್ನಾಗಿತ್ತು ಅಂತಲೂ ಅನೇಕ ನನ್ನ ಮಿತ್ರರು, ಹಿತೈಷಿಗಳು ಹೇಳಿದ್ದಾರೆ.ಅವರ ಈ ಎಲ್ಲಾ ಮಾತನ್ನು ನನ್ನ ಬದುಕಿನಲ್ಲಿ ಅಳವಡಿಸಲು ಪ್ರಯತ್ನಿಸಿದ್ದೇನೆ.ಒಂದಿಬ್ಬರ ಜೊತೆಯಂತೂ ನಾನು ದೂರವಾಣಿಯಲ್ಲಿ ಮಾತನಾಡಿದಷ್ಟೂ ಬಾರಿಯೂ ಬ್ಲಾಗ್ ಬಗ್ಗೆ ಪ್ರಸ್ತಾಪ ಮಾಡಿಯೇ ಮಾಡುತ್ತಿದ್ದೆ.ಅವರು ನನಗೆ ಅನೇಕ ಸಲಹೆಗಳನ್ನು ಮಾಡಿದ್ದಾರ್

ನನಗೆ ಒಂದು ವರ್ಷದಿಂದ ಅನೇಕ ಹೊಸ ವಿಚಾರಗಳು ಸಿಕ್ಕಿವೆ.

ಆದರೆ ಸದಾ ಈ ಲೋಕವನ್ನು ಗಮನಿಸುತ್ತಿದ್ದ ನನಗೆ ಇತ್ತೀಚೆಗಿನ ಕೆಲ ಸಮಯಗಳಿಂದ ಈ ಲೋಕದಲ್ಲಿ ವಿಹರಿಸುವಾಗ ಅಲ್ಲಿ ಕಾಣಿಸುತ್ತಿರುವುದು ಕೆಸರೆರಚಾಟಗಳು , ದೂಷಣೆಗಳು, ಅನಾಮಧೇಯ ಕಮೆಂಟ್ ಗಳು... . ಇವುಗಳ ನಡುವೆಯೇ ಗುಂಪುಗಳು ಹುಟ್ಟಿಕೊಂಡಿವೆ. ಕಾಮೆಂಟ್ ಗಳು ತುಂಬಿಸಿಕೊಳ್ಳಲೇ ಕೆಲವೊಂದು ಬ್ಲಾಗ್ ಗಳು ತೆರೆದುಕೊಂಡಿವೆ ...

ಇವೆಲ್ಲದರ ನಡುವೆ ಈಗಲೂ ಕೆಲ ಬ್ಲಾಗ್ ಗಳಲ್ಲಿ ಉತ್ತಮ ಚರ್ಚೆ ನಡೆಯುತ್ತದೆ, ಮಾಹಿತಿ ಲಭ್ಯವಿದೆ. ಅದೇ ನೆಮ್ಮದಿ.. ಹಾಗಾಗಿ ಇನ್ನೊಂದಿಷ್ಟು ದಿನ ಈ ಲೋಕದಲ್ಲಿ ಕಾಣಿಸಿಕೊಳ್ಳುವೆ. . ..